قصيدة محمد بن فطيس: الله يجازي من يسوي سواتك
الله يجازي مـن يسـوّي سواتِـك ... وبذنوب من سوّى سواتِك يجازيـك
مشيت درب الثقـل وتحـب ذاتـك ... ما تـدري انـه للمهالـك يـودّيـك
غـرّك جمالـك يا خسـارة حلاتك ... ما تدري ان ما غير طبعـك يحليـك
بتقـول زينـك يشفـع لسيـآتـِك ... الحسن ما هو عن وفا الحب يعفيـك
لوالتواضع والوفـا مـن سماتـك ... بعت الحبايب كلهم ديـن واشريـك
لكـن عجـزت أغيّـرك يا جراتـك ... على الغياب اللي بلا عـذر ينجيـك
خطاي في توضيح وشـّي غلاتـك ... وخطاك في توضيح وشّـو تغليـك
وشلون توصيني وتنسـا وصاتـك ... وتصد عن صوتن تقطـع يناديـك
ما فاتـك التجريـح والعـذر فاتـك ... وتبغي رضاي ألحين ما عـاد يمديـك
صحيح أحبك بـس هـاذي جزاتـك ... بعلمـك درسن يفيـدك ويحيـيـك
تدري وش أبيض من خفوقك عباتك ... وتدري وش اللي غرني نظرتي فيك
أدري بتستغـرب تصبـّر وجاتـك ... قصيدة مـن واحـد كـان يبغيـك
وتبغي تناظر وأنت عايش مماتـك ... شف وحدتك والناس تجلس حواليك
وتبغي تشوف أشجع رجل في حياتك ... شفني وانا مقفي على كثر ما اغليـك
موضوع: قصيده الشاعر محمد بن فطيس.... 
الجمعة مايو 16, 2008 2:20 am
